Tinejdžerka Vanja Gjorčevska (14) nestala je juče u Skoplju, a sada se na Facebook-u oglasila i njena majka Zorica.
“Juče u 7:20 moja kćerka Vanja Gjorčevska je otišla u školu i izgubio joj se svaki trag. Obučena je u crne pantalone sa bočnim prorezima, svetloplavi džemper, crnu kratku zimsku jaknu i bele patike sa braon trakom na nogavici. Ako imate bilo kakvu informaciju, obratite se policiji. Zahvaljujem se Ministarstvu unutrašnjih poslova koje je kasno sinoć bilo na terenu da pronađe moje maloljetno dijete. Molimo vas da ne širite dezinformacije, to ne pomaže u potrazi”, napisala je očajna majka.
Tinejdžerka je nestala juče nakon što je izašla iz kuće i krenula u školu. Za veoma kratko vrijeme njen telefon je isključen, a razredna je obavijestila majku da djevojčica nije na času, nakon čega je majka odmah nestanak prijavila policiji i počela je potraga.
Iz ministarstva unutrašnjih poslova Sjeverne Makedonije su jutros za Telmu rekli da se intenzivna potraga nastavlja i da je formiran poseban štab koji konstantno radi na pronalaženju djevojčice. Javnost je na nogama, jer je prošlo više od 48 sati od njenog nestanka u centru Skoplja u jutarnjem špicu.
Pored policije, u potragu je uključena i porodica, kao i brojni građani i drugovi iz razreda koji dijele objave na društvenim mrežama, lijepe postere sa njenom fotografijom i traže bilo kakve informacije o tome gdje je maloljetnica nestala.
